Rammasamningar

Hvað eru rammasamningar?

Rammasamningar eru samningar við viðskiptavin sem ákvarða staðlaða taxta og skilmála fyrir mörg verk. Í þeim kemur fram hvaða starfsmenn mega vinna í verkunum og á hvaða töxtum. Þannig er verðlagningin sú sama í öllum verkum fyrir viðskiptavininn.

Af hverju skipta rammasamningar máli?

Með rammasamningum getur þú:

• Tryggt samræmda verðlagningu: Sömu taxtar gilda í öllum verkum fyrir viðskiptavininn.
• Einfaldað uppsetningu verka: Réttir taxtar eru settir inn sjálfkrafa þegar verk er stofnað.
• Stýrt því hverjir vinna í verkum viðskiptavinar: Þú tilgreinir hvaða starfsmenn hafa heimild til þess.
• Bætt áætlanagerð: Staðlaðir taxtar gera tekjuspár áreiðanlegri.
• Dregið úr umsýslu: Þú þarft ekki að setja upp taxta upp á nýtt fyrir hvert verk.

Nýr rammasamningur stofnaður

Svona stofnar þú nýjan rammasamning:

1. Farðu í Stjórnun → Verð → Rammasamningar.

Ef enginn rammasamningur hefur verið skráður birtast skilaboðin „Engir rammasamningar hafa verið skráðir.“

2. Smelltu á Skrá nýjan rammasamning efst til hægri.

3. Fylltu út upplýsingar um samninginn:

   Skyldureitir:

   • Nafn: Skýrt heiti, t.d. „ABC ehf. – Staðlaðir taxtar 2025“

   Valkvæðir reitir:

   • Lýsing: Skilmálar, gildistími eða sérstök skilyrði

4. Smelltu á Vista. Ef þú vilt loka glugganum án þess að vista smellir þú á Hætta við.

Helstu hlutar rammasamnings

Á síðu hvers rammasamnings eru eftirfarandi hlutar:

• Rammasamningur: Nafn og lýsing samningsins. Smelltu á Breyta til að breyta þessum upplýsingum.
• Viðhengi: Hér hengir þú fylgiskjöl við rammasamninginn með Bæta við skrám.
• Föst hlutverk: Hér sérðu og stýrir því hvaða taxtar tilheyra rammasamningnum. Smelltu á Breyta til að tengja ákveðna taxta við samninginn.
• Taxtar rammasamnings: Allir taxtar sem eru skráðir á rammasamninginn. Hægt er að sía eftir Tegund taxta, Taxtaflokkur og Fyrirtæki og deild.
• Verk rammasamnings: Listi yfir öll verk sem nota rammasamninginn.

Rammasamningar fundnir og þeim stýrt

Rammasamningar fundnir

Farðu í Stjórnun → Verð → Rammasamningar. Þar birtast rammasamningarnir þínir í lista með dálkunum Nafn, Lýsing, Fjöldi taxta og Fjöldi verka.

Rammasamningi breytt

1. Smelltu á nafn samningsins í listanum.
2. Smelltu á Breyta í hlutanum Rammasamningur á síðu samningsins.
3. Uppfærðu nafnið eða lýsinguna eftir þörfum í glugganum Breyta rammasamningi.
4. Smelltu á Vista.

Rammasamningi eytt

1. Smelltu á nafn samningsins til að opna síðu hans.
2. Smelltu á hnappinn Eyða rammasamningi.
3. Staðfestu aðgerðina með því að smella á Eyða rammasamningi í staðfestingarglugganum („Ertu viss um að þú viljir eyða þessum rammasamningi?“).

Þegar samningnum hefur verið eytt birtast skilaboðin „Rammasamningi hefur verið eytt“.

Notkun gagna úr rammasamningum

Samræmi í töxtum

Fylgstu með því hvaða taxtar eru notaðir í mismunandi verkum.

Arðsemisgreining

Berðu raunverulega afkomu verka saman við umsamda taxta.

Mannaflaáætlun

Sjáðu hvaða starfsmenn vinna samkvæmt skilmálum tiltekinna samninga.

Góð ráð

Notaðu skýr heiti Hafðu nafn viðskiptavinar og ártal í heitinu svo auðvelt sé að þekkja samninginn.

Skrifaðu ítarlegar lýsingar Þá veit teymið þitt hvenær á að nota hvern samning.

Farðu yfir samningana árlega Uppfærðu samningana svo þeir endurspegli gildandi taxta og skilmála.